Waray Madadangatan

                       "Waray madadangatan"
               Iginsurat ni: Hazel Ann M.  Salgado
                                 

May-ada gud rason kun kay ano waray nadadangatanan

Iton manga tawo nga naukoy dinhi ha kalibutan

Kumo usa nga pamilya ngan pati gihap kabataan

Waray binubuhat pirme la adto ha kakarsadahan

Usa nga bata nga nakikigmulay,nakikiurusa ha manga sangkay

Uyaw kun tinatawag hit nanay dire nadaop usahay

Iton manga kabataan na yana dire na nasugot hit manga nanay

Kay pirme nala it dupot ha karsada kay magmumulay

Danay it iba masireng nga masulod ha eskwelahan

Ngay'an kay malakat la ngan makadto na hin kompyuteran

Maaro hin igbaralon ngan igbarayad hin papliton

Dire ngay'an pan eskwelahan kay para igtaratsion

It sugad hine nga batasan dire angay ipadayon

Buruhaton hin manga bata nga waray la hinungdanun

Manga bata nga sugad hine it buruhaton

Makakagbag'o pa ba o kun iyo ipapadayun?

Kun ako haiyo maeskwela gud ako hin maupay

Kay hira tatay ngan nanay usahay kay pawaray- waray

Pag-abot hit takna nga waray na manga pinan-ngangaon

Madako pa't buot manga kag-anak pagpapakaaluhon

Waray gud hingaradtuan it sugad hine it batasan

Bata nga nadako lat buot kun gin-iinisugan

Masireng nga naawa ha iba nga manga kabataan

Tuyo la haem nim kag-anak imo gin pakaaluhan.


(Siday)
Tema: Kabataan