An Dati ngan Yana
isinulat ni :Marlyn Montaño
An Dati
Presko nga hangin an natatagamtam han katawhan
Malimpyo nga tubig , giniinom han kabataan
Malimpyo nga sapa , asya'n ira ginkakarigoan
Dire puyde maghapil kay dire man basurahan
Mahilig magpinantanom kada tagsa nga hardin
Marisyo pagkinitaon an ira mga hardin
Malipayon oras hin panguha han mga bunga
Asya na an solusyon para magka-mayda kwarta
Dire gin-aabusaran an mga kapuno-an
Asya an nagtatalwas ha ira oras tag-uran
Purma han dampug an nasinyas kun mayada bagyo
Andam , listo para sigurado talwas an tawo
An Yana
Asu han makina asya an at' nababahuan
Tikang ha gripo an kaurugan gin-iimnan
Malubog nga tubig-sapa , tambak na hin basura
Pati na gihap it mga kanal na nababara
Mga tawo nga giniinabusaran it puno
Ginpapanbaligya para la magka-mayda pondo
Mga pananuman gin-iibanan hin espasyo
Gintitindugan hin mga balay ngan mga kondo
Nagtitikadako't populasyon ha kalibutan
Mga urukyan hit mga tawo nagsusuksukan
Damu nga kabataan problema it pag-eskwela
Kulang hin hibaro ha mga sugad it ha ira
Pagburublig nga maibalik an husay han dati
Para marisyo it aton magiging kinabuhi
Pagplano hin maupay para hit at' kalibutan
Waray unta mag-aaragway kutob katapusan.
(Siday)
Comments
Post a Comment